مساطيل ع الاخر

مسطول قالو ليه :في الصين كل دقيقه بتولد واحد ..

قال :هذا التطور ولا بلاش نحنا في السودان كل 9شهو

......

جدادة انتحرت كتبت في وصيتها خلو ماجي تنفعكم

.....

مسطول امو رسلتو لمكسرات جاب ليها بنات الحله

...

واحد مشا يخطب اهل البنت سالو انت بتشتغل شنو قال ليهم بالنهار شغال مع
اخوي وباليل مركلس قالو ليو طيب اخوك شغال شنو قال ليهم بانهار مركلس
وباليل شغال معاي

.....

مسطول اتشاكل مع أمو مشي جاب ليها لبن بدرة قال ليها ده كل البيني وبينك!!

...

واحد كسلان شديييد دخل الإمتحان... قلمو وقع في بداية الامتحان كسل إرفعو قام سلم الورق

....

ضب مسطول قال لي حبيبتو انا زمان كنت تمساح لكن الحب هلكني

.....

مسطول اشتره موبايل داير يكتب رساله اده الزول الجنبو قال ليه : هاك اكتب لي انا خطي شين

.....

مسطول مشوكش سألوه عن أجمل بيت شعر شنو؟؟ قال: كلّما نربِّي كتكوت يكبر يفوت

....

• مسطول معلق جلابيتو في الشماعه قامت وقعت قال: الحمدلله الماكنت جواها!

....

مسطول جاتو فاتورة الموية مليون

قال اكيد الجماعة ديل

كتبو مطرة

امبارح دي في حسابي

...

مسطول سنو إتكسرت مشى لدكتور الأسنان

قال ليهو لي يومين ماقادر أكل ولا أجري الدكتور قال ليه عرفنا الأكل الجري دا شنو

المسطول قال ليهو ماقادر أعضي

جلابيتي

....

مسطول حرق اذنيه

الاثنين , الدكتور ساله حرقت اذنك بي شنو , قال ليه كنت بكوي والتلفون ضرب , رفعت

المكوي بدل السماعة , قال ليه طيب واذنك الثانية , قال لية ما الغبي ده ضرب مرة

ثانية..

....

مسطــول لقي اثنين في المقـابر يفتشو علي قبر ابوهم وهم يتغالطوا .. ياهو ده .. لا

ماياهو ..ياهو ده لا ما ياهو...... قاليهم المسطول انتو دايرين تدوهو الفاتحه ولا

مصـــاريف

.......

واحد الدنيا ضارباهو ومعصلجة معاهو

جاتوليلة القدر كان فى نفسو يقول عايز

ابقى زي

صلاح ادريس من اللخمة قال عايز يكون زى ادريس صلاح ..

اصبح من

الصباح لقى عربة كارو بى حمار واقفة جنب الباب

...

رباطابي دخل المستشفى سألوه: زيارة؟ رد: لا عمره.

..

مسطول مرتو ماتت قالو ليه نديك أختا؟ قال ليهم: معقول ياخي .. ديل نسابة ولا شركة تأمين أًصلو

...

مسطول ولدو عيان وداهو الدكتور

الدكتور قال ليهو: ولدك دا عندو تسمم شرب لبن مدتو منتهيه

المسطول قال ليهو: تكون رضعتو حبوبتو

....

قالوا نملة عرست خروف السنة الأولي السنة الأولي جابوا نملة مخرفة والسنة التانية جابوا خروف منمل!!!!

...

واحده مشت لشيخ قالت ليهو نفسي امشي في الشارع وماف زول يشاغلني قاليها بس
لقيت ليك حل بالحيل يابنيه انا بوديك العصر الجاهلي مستعده قالت ليهو ايو
وداها العصر الجاهلي اول واحد لاقتو ابو لهب صفر ليها قال ليها واللات
والعزه انتي اجمل مزه...."-_^"

....

مرة واحد مسطول قاعد جنب موية المطرة ومبسوط جداً من منظر الموية الكتيرة ,
قام جاء واحد راكب عربية عاوز يعدي في الموية وخايف وسأل المسطول هل ممكن
أعدي ؟ ورد عليه المسطول طبعاً مافي مشكلة . ولما مشى شويه العربية غرقت
وطلع منها السواق زعلان من المسطول وقال ليهو ماقلت مافي مشكلة , رد عليه
المسطول والله حسي دي جات بطة مشت عديل

...

مسطول راكب في حافله بتاع الحافله مشغل شريط ود الامين فجاه كدا وقف الشريط
المسطول سال واحد قاعد جمبه قال لي اسمع ود الامين دا نزل ولاشنو

....

واحد ماشي علي الجامع شاف واحد رباطابي قال ليه صليتوا قال ليه لا رجعونا نجيب السبح

.....

مسطول شاف ليهوا بت سمحة قال ليها انتي الله سبحانه وتعالي اداكي كل شي الا رقم موبايلي

...

مسطول بيضرب بوهية قالو ليهو خت جريدة تحتك

قال: لا لا كدة محصل

...

بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

...

مسطول في عيد الضحية اشتري خروف ضعيف ابوه قال ليه ده شنو ؟؟ قال ليه ماتعاين للجسم شوف العيون !

...

مسطول لقى الشيخ طالع من المستشفى قاليهو عندك شنو هنا رد عليهو: جيت احلل السكر قاليهو السكر من زمان حلال حلل لينا البنقو؟؟

...

حنكوشه بتحب زميلها في الجامعه من اهل العوض

في عيد الحب اهدتو ببغاء

تاني يوم سالتو : بالله رايك شنو في الببغاء ؟

قال ليها : طعمو جداد جداد.

...

مسطول ماسك قسيمة الزواج وقاعد يقلب فيها يمين شمال زوجته سألتو : بتعمل في شنو يا

راجل؟

قال ليها : لا أبدا مافي حاجة قالت ليهو : كيف مافي حاجة ليك نص ساعة

بتقلب في القسيمة داير شنو ؟

رد عليها : بفتش في تاريخ نهاية العقد

...

مسطول ماسك قسيمة الزواج وقاعد يقلب فيها يمين شمال زوجته سألتو : بتعمل في شنو يا

راجل؟

قال ليها : لا أبدا مافي حاجة قالت ليهو : كيف مافي حاجة ليك نص ساعة

بتقلب في القسيمة داير شنو ؟

رد عليها : بفتش في تاريخ نهاية العقد

...

عروس مخلوعة سالوها العقد متين قالت بعد صلاة الغداء

...

عممك كبير عندو سكري مسافر في بص في كل محطة ينزل يبول .. بعد مسافة سأل
السواق بنصل بتين ..السواق قال ليهو: قرربنا يا حاج بعد بولتين

.....

مسطول دايرين ينفزو فيهو حكم الاعدام قالو ليهو امنتك الاخيره شنو قاليهم بتمنا انو دا يكون درس لي في المستقبل

....

قالو مسطول مشي الحج،، الناس طايفين و هو طايف عكس الناس،، سألوهو يا زول
مالك طايف عكس الناس؟ قال ليهم عندي طوفة زايدة داير أمسحا،،

» مساطيل&مساطيل
» كلام مساطيل