ردح نسوان رهييييب ما يفوتكم

و
( الرَدَحِى ) لمن لا يعرفونه هو طريقة من الطرق (الكثيرة) التى تستخدمها
(النسوان) فى حروبهن و نزاعاتهن .. وهى طريقة تعتمد أساساً على إستخدام
فنون اللغة من سجع و طباق و مقابلة لإعطاء الكلمات معنىً أكثر قوة ...... و
هذه الكلمات بدورها منتقاة بعناية من قِبل (الرادحة) لتؤكد علو مكانتها أو
لِتحط من قدر رادحة أخرى ...وهو ما يجعله ضرباً من ضروب الفنون تشتهر به
الرادحات و يتميزن به عن باقى (النسوان) ال( بجم) اللآتى لا يستطعن الدفاع
عن أنفسهن ... ودي مواصفاات الرادحه التماااام رادحة من فطاحل الرادحات ..
وكثيرة الجثة سميكة الجلد وافرة اللحم كثيفة العظم واسعة الحلقوم كبيرة
البلعوم لها جنازير صوتية بدلاً من الحبال الصوتية .. وتكون المرا دي
(فتوة) النساء مرة شاكلتها وحده وشااغلتها قالت ليها انتي سميده وكلك لحم
كدا ليه فردت عليها بكل ثقه ما شاء الله ما شاء الله غازة يدها في خصرها
وبتقول:

ما تقيفى فى الزلط و تتكلمى غلط

.. نحن نححححححححححححححمد الله الغدا ضأن.. و التحلية برتكان...

...العشا حمام و التحلية شمّام .....و مليانيييييييييييين يا إنتى ...

....لا كوع يقد الوسادة لا ساق يضبح الجدادة ...نحن تربية بيت و فرش موكيت....

....هيييييههههيييييييييى..

..

.... حليلكم إنتو يا ناس الإشلاق يا الما سمعتو بى السيريلاك ....

....نببببببببرة و نستبرة و ما نسكن جبرة...

...بششششششتنة و الناس متمحنة ...

..أوع من كدا و الدنيا شتا ...

.هيييييييييييييييييييييييى ...

لا كرعيننا رقاق و لا مولودين فى زقاق ..

أولاد عوااااااااايل و عندنا فايل ....

ولدونا فى الإمتداد و حبّينا فى البلاط ..

.نححححححححححححمدو..... البنريدو بنولع ليو اللمبة.. و الما بنريدو بنحرش ليو الكلبة !!

.. عشان كدا أعملى لاين و أقيفى بهايند.... و أفهميها... أعملى شخيط و اقيفى بعيد ..

سجم و كمان عدم فهم ؟!!

...هييييييييييييييييى و تااانى هييييييييييييى و تانى و تانى هيييييييييييييييييى....

ما تكبى الريحة و تعملى تفتيحة و تخلينا نقيف ليك فى طرف المعلقة و نوريك الصعلقة .....

كان جبل طلعناو و كان عسل لحسناو ..

.هووووووووووووى.... تنبزينى أنا يا كرور يا وسخ الخور !!

.. يا تربيزة الجزارة يا اللامّة الوسخ و الزفارة !!

بطااااااااطس و مستوى غااااااتس ....

هييييييييييييييييييى

أخير ليييييك فتحى عينك قدر الريال و خلّى أضانك قدر العقال ...

ما تخلينى أدق الصفايح و أطلع الفضايح

... يا مرة يا مجنونة يا شبه حجر الطاحونة ...يا ليمونة و عاملة فرعونة !!!

... هيييييهييييييييييييييييييييييي ....

غادى غادى الجزام بعادى .

.. يا الككوية يا أم جضوماً موية

...الشمس ضربتك و الرجال أبتك

يا سجم يا رماد يا عواليييييق يا ست البورة عليك الله طيري كدا ولا كدا

وتنصرف المرا الشجاااعه دي وهي مبسووطه لانها اتفشت فيها احلا فشه ووورتها مقامها كويس من بايرة وسجم الخ..الخ

استنوني في ردح جدييد هههههههههههه